saben esuk daksawang
mlaku kanthi prasaja
mikul pacul, nyangking arit
menyang sawah, nandur pangarep-arep
ing wayah udan kaya ngene
pancen pasuryane katon sumringah
awit lemah sawah wis ngawe-awe
kepengin nyawiji , ngganda aruming lumpur
macul kanthi donga lan sokur
mbabat suket ati manteb
luh kringet lan kesel
dadi pepuji marang Gusti
Tidak ada komentar:
Posting Komentar