Mucal
lare-lare nyerat geguritan menika mboten gampil. Kathah bab ingkang kedhah
dipunjelasaken langkung rumiyin dhateng para siswa. Salah satunggaling bab
inggih menika tema geguritan. Kasunyatan tema sosial dereng dipunmangertosi
sedaya siswa. Taksih wonten siswa ingkang dereng mangertosi babagan menapa kemawon
ingkang lumebet ing tema sosial menika.
Dados,
sanadyan mboten sedaya siswa, kedhah langkung rumiyin dipunjlentrehaken bab-bab
ingkang kalebet tema sosial menika. Ing salebeting pamulangan wonten salah satunggaling siswa ingkang
tangklet, menapa "guru" menika kalebet tema sosial. Leres sanget bab menika
dipuntangkletaken awit dereng mengertosi bab menika lumebet perangan tema
sosial menapa mboten. Miturut Kamus Besar Bahasa Indonesia (KBBI), ingkang
dipunwastani “sosial” menika sedaya ingkang wonten gegayutanipun kaliyan
masyarakat (berkenaan dengan masyarakat). Dados, menawi pitakenan siswa ing
nginggil dipunjlentrehaken mitrat KBBI, mbok menawi mboten lepat bilih guru
menika kalebet peranganipun tema sosial. Awit, guru menika bageyan saking
masyarakat, sae menika masyarakat sekolah ugi masyarakat bebrayan agung. Menapa
malih tiyang, kelebet guru, menika limrahipun ngayahi lelampahan gesang mboten
saged pepisahan kaliyan tiyang sanes. Tiyang setunggal lan setunggalipun mesthi
sesambetan, sae pribadhi kaliyan pribadhi menapa dene pribadhi kaliyan
patunggilan (perkumpulan).
Pramila, jelas bilih guru saha sedaya lelampahan gesangipun ing tengah-tengahipun bebrayan menika kalebet tema sosial. Kejawi guru, bab-bab ingkang saged dipunlebetaken tema sosial kadosta, pengemis, gelandhangan, prastawa bersih desa, mitulungi korban bencana alam, kawontenan ing pengungsian korban bencana alam, panti asuhan, kawontenan gesang para narapidana ing pakunjaran, kemacetan, lan sanes-sanesipun.
Menawi para siswa
sampun mangertos bab-bab ingkang kalebet tema sosial kanthi cetha wela-wela,
mbokmenawi sampun maringi pitulungan, engga nggampilaken para siswa miwiti
nulis geguritan. Awit, mesthinipun pikiran saha pangrasa para siswa sampun
kaatak tumuju ing setunggal wewengkon, inggih menika babagan ingkang wonten
gegayutanipun kaliyan masyarakat. Pikiran saha pangrasa para siswa mboten mencar-mencar
malih awit sampun wonten gegambaran/patokan ingkang jelas. Ananging sakderengipun
mangertosi kadospundi bab-bab “sosial” menika, para siswa mesthi nggrambyang
pikiran saha pangrasanipun. Mboten saged fokus. Dados, menawi (kawontenanipun) mekaten
wajar menawi (sinaosa nembe mikir “tema” kemawon) para siswa nandhang
kesulitan.
Tidak ada komentar:
Posting Komentar